سندريلا العصـــرية!!!!!!!

مرات الاب : بت يا سندريلا اصحى يا بت كاك خابط فى نفوخك

سندريلا : اييييه يا مرات ابويا خمسه وحقوم

مرات الاب: قومى يا بت قامت قيامتـك

وصحيت سندريلا وهى بتأفأف

مرات الاب : يـاله قومى اكنسـى وامسحى على ما نيجى

سندريلا: وانتومتزوقين كده ليه وكل واحده عامله نيو لوك

مرات الاب : رايحين حفله الامييير اللى حيختار واحده عشان يتجوزهـا

سندريلا : خدونى معاكو انا عاوزه اروح بليز

مرات الاب : تروحى فين يا موكوسـه بلبسك المهرول .. انا عايزه ارجع الاقى البيت بيبرق

ومشيت مرات الاب وبناتها التلاته وقعدت سندريلا تعيـط

وفجــأه طلعتلها الســاحره من الميكروويف

الساحره : مالك يا سندريلا

سندريلا : كان نفسى اروح معـاهم الحفله بس لبسى مقطع و موبايلى

كارت ولابسه شبشب بصباع

الساحره : ولا يهمك

وطلعت من جيبها الموبايل وطلبت الاتليه بتاع مدام لولو يبعتو فستان وجزمه اخر موديـل

فرحت سندريلا ولبست وحطط الايشادو و الجليتور ورشت البرفان

بس الساحره قالتلها : قدامك للساعه 12 لازم ترجعى

انا صعيديه ودمى حامى ومعندش بنات تتأخر

و لو اتأخرتى حترجعى زى ما كنتى بلبسك القديم وسط الناس

سندريلا : حاضر حاضر اما ساحره رجعيه

خرجت سندريلا الموزة من البيت لقت الساحره مجهزة
BMW

ركبت سندريلا وراحت ع القصـر
ولفت جمــالها كل اللى موجودين

و اول ما عين الامير وقعت عليها
راح وطلب يرقص معاها و وافقــت
نظرات ... همسات .. صمــت
ترررررررررن
ترررررررررررن
سندريلا : ده الساحره بتدينى ميسد .. يا خبر الساعه 12
وقامت طالعه تجرى قام ايه وهى بتجرى فرده الجزمه اتخلعت
خدها الامير المعجب و نده للوزير
الامير : يا وزير تـامر
الوزير : امرك مولاى
الامير : خد الجزمه دى اسحبلى صورتها اسكانر
و نزل صورتها فى كل الجرايد و ع الويب سايت بتاع قريتنـا
واكتب الى صاحبه هذه الجزمه التوجهه للقصـر الملكــى
بنات كتير جدا راحو و يا سبحان الله الجزمه مجتش على قاس حد فيهم
(ال يعنى سندريلا رجليها رجل معزه )
الى انا شاهدت سندريلا الاعلان عن فرده الجزمه على ميلودى
وقامت بالتوجهه الى القصر وتزوجت هى والامير
وعاشو فى تبات ونبات و خلفو تؤام ملتصق وشويه بنات .. و طبعا مرات ابوها كانت قاعدة تاكل ف روحها هي و اللفتتين بناتها

ههههههههههههه حرام عليكي ده انتي بهدلتي القصه خاااالص

مرسي يا مرمر على الموضوع الجميل ده

هههههههههههههه
تسلم ايدك يا جميل