سياده الريس
جناب النايب
العيال فى بلدنا بتموت من الجوع
بتمصص دمع العين بلسان مقطوع
من حلمه صدر احد من السيف
حجر فى الجسم المنحول
وبقايا الجسم عنين
مرفوعه لرب محمد ويسوع
اسف زعلتك
شايف الدمعه فى عينك حتفر
والحمره فى وشك نار من الغل
وسيول من عرق الخزى نازله
من تحت الشعر المصبوغ بالدم
طبعا دم عيال بتموت من الجوع
على ياقه بدله منسوجه بخوط الظلم
بضيع ريحه البرفان اللى مغرق كعب سياتك
اسف زعلتك
واكيد زعلت سياده القاضى
جناب النايب
لكن فى بلدنا عيال بتموت من الجوع
وعيال هدمتها ضلوع
وعيال طاقتها دموع
والعيال اللى ماكنتش نضيفه كبروا خلاص
غرزوا انيابهم فى عضله القلب الموجوع
بيمصوا لاخر نقطه دم لاخر قوله اى
لاخر عيل جى
لاخر عيل مايموت من الجوع
فخامه الريس
سياده القاضى
جناب النايب
العيال فى بلدنا بتموت من الجوع
فى بلدنا عيال بتموت من الجوع
بتموت من الجوع فى بلدنا عيال
من الجوع فى بلدنا عيال بتموت